ஒரே நாளில் 34 இலட்சம் வழக்குகள் மக்கள் நீதிமன்றங்களில் முடிக்கப்பட்டன‌

ஒரே நாளில் நாடு முழுவதும் 34 இலட்சம் வழக்குகள், தமிழ்நாட்டில் 12 இலட்சம் வழக்குகள் மக்கள் நீதிமன்றங்களில் முடிக்கப்பட்டன‌

நாடு முழுவதும் தேங்கி கிடக்கும் பல வழக்குகளை முடிக்க லோக்-அதாலத் என்னும் மக்கள் நீதிமன்றங்களில் வழக்குகள் முடித்து வைக்கப்படுகின்றன, குறிப்பாக போக்குவரத்து குற்றங்கள் இழப்பீடுகள் தொடர்பான வழக்குகள், குடும்ப சிக்கல்கள் போன்ற வழக்குகள் விசாரிக்கப்படுகின்றன.

நேற்று மெகா லோக் அதாலத் என்ற தினம் கடைபிடிக்கப்பட்டு நேற்று காலை 9 மணி முதல் இரவு 9 மணி வரை நாடெங்கும் வழக்கு விசாரணை நடைபெற்று மொத்தம் 34 இலட்சம் வழக்குகள் முடிக்கப்பட்டன, தமிழகத்தில் மட்டும் 12 இலட்சம் வழக்குகள் முடிக்கப்பட்டன.

நேற்று ஒரே நாளில் மக்கள் நீதிமன்றங்கள் மூலமாக ரூபாய் 850 கோடிக்கான இழப்பீடுகள் வழங்கப்பட உத்தரவிடப்பட்டது.