சினிமா நூற்றாண்டு விழாவில் கலந்து கொள்ள‌ கருணாநிதி, விஜயகாந்துக்கு அழைப்பு இல்லை

சென்னையில் நடைபெறும் சினிமா நூற்றாண்டு விழாவில் கலந்து கொள்ள‌ கருணாநிதி, விஜயகாந்துக்கு அழைப்பு இல்லை

தென்னிந்திய திரைப்பட வர்த்தக சபை இந்திய சினிமாவின் நூற்றாண்டு விழாவை சென்னையில் பெரிய அளவில் கொண்டாட ஏற்பாடு செய்து வருகிறது, செப்டம்பர் 21ந் தேதி முதல் 24ந் தேதி வரை நடக்கும் இந்த விழாவில் தமிழக முதல்வர் ஜெயலலிதா உட்பட பல மாநில முதல்வர்கள், குடியரசு தலைவர், மற்றும் பிரபல தென்னிந்திய நடிகர்கள்,வட இந்திய நடிகர் கலந்து கொள்கிறார்கள்.

திரை உலகோடு நெருக்கமாகவும் பல படங்களுக்கு கதை வசனம் எழுதிய திமுக தலைவர் கருணாநிதிக்கும், தென்னிந்திய நடிகர் சங்கத்துக்கு தலைவராக இருந்து சிறப்பாக செயல்பட்டு நீண்ட கால நடிகர் சங்க கடனை அடைத்து வைத்தவரும் நீண்ட காலமாக தமிழ் திரையுலகில் ஜொலிக்கும் நட்சத்திரமாக இருந்த நடிகரும் தேமுதிக தலைவருமான விஜயகாந்த்துக்கும் இதுவரை இந்த விழாவில் கலந்து கொள்ள அழைப்பு அனுப்பப்படவில்லை.

இவர்கள் இருவரும் அரசியல் கட்சி தலைவர்கள் என்பதால் விமர்சனங்களை தடுக்கவே அவர்களுக்கு அழைப்பு அனுப்பவில்லை என்று விழாக்குழுவில் உள்ளவர்கள் அதிகாரபூர்வமற்றவகையில் கூறினார்கள், ஆனால் இந்த ஏற்பாடுகளை முன்னின்று செய்யும் சரத்குமார் கூட ஒரு கட்சியின் தலைவர் தானே என்று கேட்டதற்கு பதிலளிக்க மறுத்துவிட்டனர்.