மக்களவை தேர்தலில் ஆதரவு கோரி, அழகிரியை சரமாரியாக சந்திக்கும் வேட்பாளர்கள்

நேற்று, மதிமுக பொதுச் செயலாளர் வைகோ, அழகிரியை சந்தித்தார். அவரைத் தொடர்ந்து சிவகங்கை தொகுதி பாஜக வேட்பாளர் ஹெச்.ராஜாவும் இன்று அழகிரியை அவரது மதுரை இல்லத்தில் சந்தித்துள்ளார். சந்திப்புக்குப் பிறகு செய்தியாளர்களிடம் பேசிய ஹெச். ராஜா, மோடி பிரதமராக வேண்டும் என கூறிய அழகிரியை நேரில் சந்தித்து நன்றி தெரிவித்ததாக கூறினார். மக்களவை தேர்தலில் அழகிரியின் ஆதரவை கோரியதாக தெரிவித்தார். தென் மண்டலத்தில் அழகிரி ஒரு சக்தி வாய்ந்த மனிதர் என்பதனால் அவரது ஆதரவை கோரியுள்ளதாக ராஜா விளக்கமளித்தார். 

தேனி தொகுதியில் போட்டியிடும் மதிமுக வேட்பாளர் அழகுசுந்தரமும் மு.க.அழகிரியை இன்று நேரில் சந்தித்து ஆதரவு கோரினார். இதற்கிடையில், சென்னையில் இன்று பத்திரிகையாளர்களை சந்தித்த தமிழக காங்கிரஸ் தலைவர் ஞானதேசிகன், மதுரை செல்லும் போது மு.க.அழகிரியை சந்திப்பேன் என தெரிவித்தார்.