"கணிக்க இயலாத தன்மையே கிரிக்கெட்டை ஒரு பரபரப்பான விளையாட்டாக ஆக்குகிறது. நாங்கள் சிறப்பாக செயல்படும்போது வரும் ரசிகர்களின் கைதட்டலை கிரிக்கெட் வீரர்களாக மகிழ்கிறோம். ஆனால், அதைவிட நாங்கள் கஷ்டப்படும்போது ரசிகர்கள் தரும் ஆதரவையும் உற்சாகத்தையுமே அதிகம் மெச்சுகிறோம்.
யுவி, 2007-ஆம் ஆண்டு நடந்த டி20 உலகக் கோப்பையில் படைத்த சாதனையிலும், 2011-ஆம் ஆண்டு நடந்த 50 ஓவர் உலகக் கோப்பையின் வெற்றியில் அவரது பங்கிலும் நாம் அனைவரும் பெருமையடைந்தோம்.
யுவிக்கு நேற்று கடினமான ஒரு தினமாக அமைந்தது. அதற்கு அவரை விமர்சிக்கலாம். ஆனால், அதற்காக அவரை திறமையற்றவராக நினைத்தலோ கூடாது. கிரிக்கெட் விளையாட்டிலும், விளையாட்டைத் தாண்டியும் பல தடைகளைத் தாண்டி வந்துள்ள யுவியின் மன தைரியத்தைக் கண்டு நான் வியந்துள்ளேன்.
மீண்டும் கண்டிப்பாக இந்தத் தடைகளை எதிர்த்துப் போராடி, தன் மீதுள்ள விமர்சனங்களை பொய்யாக்கும் வலிமையும் திறனும் யுவிக்கு உள்ளது என்பதை நான் அறிவேன்.
யுவி, பல இனிமையான நினைவுகளில் உங்களின் பங்கை, ஒரு கசப்பான தினம் குறைத்துவிட முடியாது. நீங்கள் இன்று சரிவை சந்தித்திருக்கலாம். ஆனால், வீழ்ச்சி என்பது உங்களுக்கு வெகு தூரம்."
இவ்வாறு சச்சின் தனது ஃபேஸ்புக் பக்கத்தில் கூறியுள்ளார்.
Post a Comment
Comments disabled, Please use Facebook comment box
Note: only a member of this blog may post a comment.