திமுக பொருளாளர் முக.ஸ்டாலின் இன்று தனது 62வது பிறந்த நாளையொட்டி திமுக தலைவரும், தனது தந்தையுமான கருணாநிதியை சந்தித்து பிறந்த நாள் வாழ்த்து பெற்றார். மனைவி துர்கா ஸ்டாலின், தாயார் தயாளு அம்மாள், சகோதரி செல்வி உள்ளிட்டோர் முன்னிலையில் கேக் வெட்டினார். இன்று காலை 8 மணி முதல், தொண்டர்களிடம் வாழ்த்துக்களை பெற்றவாறு வருகிறார்.
தி.மு.க. இலக்கிய அணி சார்பில் பிராட்வேயில் அமைந்துள்ள ஒய்.எம்.சி.ஏ. பட்டிமன்ற அரங்கில் மு.க.ஸ்டாலின் பிறந்தநாளையொட்டி சிறந்த இளைஞர்களுக்கு விருது வழங்குதல் மற்றும் கருத்தரங்கம் நடக்க உள்ளது. தி.மு.க. தலைமை இளைஞர் அணி துணைச்செயலாளர் செந்தில்குமாருக்கு "சிறந்த இளைஞர்" எனும் விருது வழங்கப்படுகிறது. அதனை தொடர்ந்து, "தலைவர் கலைஞர் வழியில் தளபதி" என்னும் தலைப்பில் கருத்தரங்கம் நடக்கிறது.
மேலும் ,அவரது பிறந்தநாளையொட்டி முகநூல் (பேஸ்புக்) மூலம் சிறப்பான கருத்துக்களை எடுத்துரைத்த 7 மாணவ-மாணவிகள் உள்பட 22 பேருக்கு மடிக்கணினிகள் வழங்கும் நிகழ்ச்சி சென்னை ஆழ்வார்பேட்டையில் உள்ள மு.க.ஸ்டாலின் வீட்டில் நடந்தது. இதில் மு.க.ஸ்டாலின் கலந்து கொண்டு மாணவ-மாணவிகளுக்கு மடிக்கணினிகள் வழங்கினார்.
Post a Comment
Comments disabled, Please use Facebook comment box
Note: only a member of this blog may post a comment.