27 வயசு பாட்டி, 12 வயசு அம்மா, 13 வயசு அப்பா - பிரிட்டனில் பிறந்த‌ குழந்தை

வடக்கு லண்டனை சேர்ந்த 12 வயது சிறுமி தனது 13 வயது காதலன் மூலம் பிறந்த குழந்தையை பிரசவித்ததன் மூலம்,  பிரிட்டன் நாட்டின் இளம் வயதிலேயே அம்மாவானார், அது மட்டுமின்றி இந்த குழந்தையின் பாட்டிக்கு வயசு  27 தான், இதன் மூலம் அந்த பெண்ணின் தாய் தான் பிரிட்டனின் மிக இளம் வயது பாட்டியாவார்.

ஓராண்டுக்கு முன் அந்த பெண் 11 வயதாக இருக்கும் போது ஆரம்பநிலைப் பள்ளியில் தனது வீட்டின் அருகில் வசிக்கும் 12 வயது சிறுவனிடம் நெருங்கிப் பழகினாள். இதன் விளைவாக கர்ப்பமடைந்த அவள் கடந்த வாரம் 7 பவுண்டு எடையுள்ள குழந்தையை பிரசவித்தாள்.

பிறந்த குழந்தையுடனும், பிரசவித்த மகளுடனும், போட்டோவுக்கு போஸ் கொடுத்திருக்கும் அந்த பெண்ணின் தாயார், ‘பெற்றோர் இருவரும் ஒற்றுமையாக இருந்து குழந்தையை நல்லபடியாக வளர்க்க வேண்டும்’ என்று கூறியுள்ளார்.

உடல்நிலை சற்று தேறிய பின்னர் தனது மகளை மீண்டும் பள்ளிக்கு அனுப்பப் போவதாகவும் அவர் தெரிவித்துள்ளார்.