இந்திய அணிக்காக அடுத்த சாதனையை செய்ய காத்து இருக்கும் தோனி

இந்திய அணியின் கேப்டனாக பொறுப்பேற்ற பின் தோனி இந்தியாவுக்காக பல கோப்பைகளை பெற்று தந்துள்ளார். தோனியின் தலைமையில் இந்திய அணி வெல்லாத ஐசிசி கோப்பைகளே கிடையாது. ஒரு நாள் போட்டிகளில் கேப்டனாக பொருப்பேற்ற பின் தோனி 161 போட்டிகளில் விளையாடி 90 வெற்றிகளை பெற்று தந்துள்ளார். அசாருதீனின் 90 போட்டிகளில் கேப்டனாக வெற்றி சாதனையை இங்கிலாந்துக்கு எதிரான 3 வது ஒரு நாள் போட்டியின் போது சமன் செய்தார். அசாருதின் 174 ஒரு நாள் போட்டிகளில் கேப்டனாக இருந்து 90 வெற்றிகளை பெற்று தந்தார் . அடுத்த ஒரு நாள் போட்டியில் வெற்றி பெரும்பட்சத்தில்  அதிக ஒரு நாள் போட்டிகளில் வெற்றியை பெற்று தந்த கேப்டன் என்னும் சாதனையை தோனி படைப்பார்.