நடிகர் அஜித் வீட்டுக்கு வெடிகுண்டு மிரட்டல் , ரசிகர்கள் போஸ்டரால் பெரும் பரபரப்பு

தல அஜித்தின் வீடு சென்னையில் உள்ள திருவான்மியூரில் உள்ளது. விநாயகர் சதுர்த்தி அன்று இரவு 108 ஆம்புலன்ஸுக்கு போன் செய்த ஒருவர் தல அஜித் வீட்டில் வெடிகுண்டு இருப்பதாகவும் விரைவில் அது வெடிக்க போவதாகவும் சொல்லி விட்டு போனை கட் செய்து விட்டார். இது குறித்து உடனடியாக போலீஸுக்கு தகவல் தெரிவிக்கப்பட்டது. வெடிகுண்டு நிபுணர்கள் மற்றும் மோப்ப நாய்களுடன் அஜித் வீட்டுக்கு சென்ற போலீஸார் அங்கு தீவிர சோதனை செய்துள்ளார்கள். ஆனால் அங்கு எதுவும் கிடைக்கவில்லை. இருந்தாலும் அங்கு போலீஸ் பாதுகாப்பு போடப்பட்டுள்ளது. அங்கு சந்தேகத்துக்கு இடமாக இருப்பவர்களை போலீஸார் விசாரித்து வருகிறார்கள்.

போலீஸார் 108 க்கு போன் செய்த அந்த நபரை தேடி வருகிறார்கள். இந்நிலையில் அஜித்துக்கு வெடிகுண்டு மிரட்டல் விடுத்த அந்த நபரை விரைவில் கைது செய்ய வேண்டும் என மதுரையில் அவரது ரசிகர்கள் அடித்த போஸ்டர் அங்கு பெரும் பரபரப்பை ஏற்படுத்தியுள்ளது.