புலி மீது எந்த தவறும் இல்லை, எல்லா தவறும் மாணவன் மீது தான் என ஜூ அறிக்கை

+2 படிக்கும் 17 வயது மாணவர் டெல்லியில் உள்ளா "ஜூ"வில் வெள்ளைப்புலி இருந்த ஆழமான கிணறு போன்ற பகுதியில் தவறி விழுந்துவிட்டார், அங்கிருந்த வெள்ளைப்புலி அவரை அடித்து கொன்றது முழுவதும் வீடியோவில் பதிவாகியுள்ளது, ஜூ ஊழியர்களால் அந்த மாணவர் இறந்த பின்பு தான் அந்த புலியை பயமுறுத்தி கூண்டில் அடைக்க முடிந்தது. மாணவர் எப்படி அதில் விழுந்தார் என்பது குறித்து பல்வேறு தகவல்கள் வெளியாகியுள்ளன, கிணறு போன்ற அந்த கூண்டு தடுப்பு சுவர் சிறியதாக இருந்ததால் தவறி விழுந்ததாகவும், மாணவர் ஆர்வத்தில் மேலே ஏறி பார்த்த போது தவறி விழுந்ததாகவும் கூறுகிறார்கள். அந்த மாணவர் பெயர் மஸ்கூத் என்று காவல்துறை தெரிவித்துள்ளது. 

இந்நிலையில் இது தொடர்பாக அந்த ஜூ இன்று ஒரு அறிக்கை வெளியிட்டு உள்ளது. அதில் அந்த மாணவர் தடுக்கி விழவில்லை, அவன் வேண்டுமென்றே தான் உள்ளே குதித்து உள்ளான். ஜூ வில் உள்ள பாதுகாப்பு வேலிகள் எல்லாம் மிகவும் பாதுகாப்பானவை. சிக்கி கொண்ட மாணவனை மீட்க எங்கள் ஊழியர்கள் பாடுபட்டனர். ஆனால் எந்த பயனும் இல்லை.