கூகுளின் நெக்சஸ் 6 குறித்து நீங்கள் அறிந்து கொள்ள வேண்டியவை !!

கூகுள் தன்னுடைய ஆண்ட்ராய்டின் அடுத்த வெர்ஷனை அக்டோபர் மாதத்தில் வெளியிட திட்டமிட்டு இருந்தனர் . எப்போது கூகுள் தன்னுடைய புது ஆண்ட்ராய்ட் வெர்ஷன் வெளியிடுகிறதோ அப்போது எல்லாம் ஒரு நெக்சஸ் மொபைல் வெளிவருவது விளக்கம் . இப்போது ஆண்ட்ராய்ட் எல் வர உள்ளதால் கூகுளின் நெக்சஸ் 6 மற்றும் நெக்சஸ் 9 வெளி வர உள்ளது . இதனை பலரும் எதிர்பார்த்து காத்து இருக்கிற நிலையில் இது குறித்து நீங்கள் அறிந்து கொள்ள வேண்டிய சில செய்திகள் .

1 ) இந்த முறை நெக்சஸ் 6 மொபைல் பெரிய அளவு திரையுடன் வெளி வர உள்ளது . இந்த மொபைலுக்கு 5.9 இன்ச் அளவு திரை இருக்கும் என எதிர்ப்பார்க்கப்படுகிறது .

2 ) இந்த முறை நெக்சஸ் 6 மொபைலை எல்.ஜி நிறுவனம் தயாரிக்கவில்லை . முதல் முறையாக மோட்டோரோலா நிறுவனம் தயாரிக்க உள்ளது .

3 ) மேலும் இந்த முறை நெக்சஸ் 6 இல் குவால்கம் ஸ்னாப்டிராகன் 805 குவாட் கோர் பிராசசர் இடம் பெற உள்ளது . இந்த பிராசசர் இது வரை சாம்சங்கின் நோட் 4 மொபைலில் மட்டுமே இடம் பெற்று இருந்தது .

4 ) இந்த மொபைலில் பேட்டரி திறன் அதிகமாக இருக்கும் என எதிர்பார்க்கப்படுகிறது . முந்தைய நெக்சஸ் மொபைல்களில் பேட்டரி திறன் மோசமாக இருந்ததால் இந்த முறை அது சரி செய்யப்பட்டு இருக்கும் என்று தெரிகிறது .

5 ) இந்த மொபைல் அக்டோபர் 31 ஆம் தேதி வெளிவரும் என்று முன்னர் எதிர்பார்த்து இருந்தனர் . ஆனால் இப்போது அதற்கு முன்னாடியே அக்டோபர் 15 ,16 இல் வெளிவரலாம் என செய்திகள் வெளிவந்துள்ளது .